Gipatuman na ang price freeze sa mga basic necessities sa pipila ka lugar sa nasod nga naapektuhan sa habagat, bagyo ug dry spell, sumala sa Department of Trade and Industry (DTI).
Lakip sa mga lugar nga adunay price freeze ang tibuok Pampanga tungod sa habagat; samtang apil usab ang Cavite, Montalban sa Rizal, Pangasinan, Dagupan City ug Mangaldan tungod sa habagat ug Bagyong Maymay.
Gipatuman usab kini sa Pototan, Iloilo, Zamboanga Sibugay, Imelda ug Diplahan tungod sa southwest monsoon ug Bagyong Inday. Sa Cordon, Isabela, ang dry spell maoy hinungdan sa pagpatuman sa price freeze.
Tumong sa price freeze nga mapanalipdan ang mga konsumidor batok sa dili makatarunganong pagsaka sa presyo panahon sa kalamidad.
Photo Courtesy: Instagram
