Gideklara sa gobyerno sa Colombia ang national state of emergency human mikabat na sa 111 ka tawo ang namatay ug 87 ang nasamdan tungod sa magnitude 7.4 nga linog nga miigo sa kasadpang bahin sa nasod niadtong Lunes.
Padayon ang rescue operations sa nagkadaiyang lugar aron pangitaon ang mga tawo nga posibleng natanggong ilawom sa mga nangatagak nga estruktura. Sumala sa U.S. Geological Survey, ang linog may giladmon nga 107 kilometros ug nahimutang duol sa San Jose del Palmar sa lalawigan sa Choco.
Dali nga nagmando ang bag-ong administrasyon ni Colombia President Abelardo De La Espriella, bahin sa pagpalig-on sa rescue ug relief operations, ilabi na sa mga komunidad nga grabeng naapektuhan.
Gipasabot sa presidente nga prayoridad sa gobyerno ang pagluwas sa mga tawo ug paghatag og hinabang sa mga biktima, samtang nagpadayon ang pag-atiman sa kadaot nga nahimo sa kusog nga paglinog.
Photo Courtesy: LA Times
