Opisyal nang nahimong shareholder sa Lopez Inc. si San Miguel Corp. chairman ug CEO Ramon Ang human niyang nakuha ang 25.7-percent stake sa kompanya pinaagi sa iyang wholly owned holding company nga Illumina Investment Holdings Inc.
Ang maong stake gipalit gikan sa Crème Investment Corp., ang holding company sa pamilya ni Eugenio “Gabby” Lopez III. Matud ni Ang, misulod siya sa Lopez Group tungod sa iyang pagsalig sa mga negosyo niini ug aron mahimong “steady partner” sa kompanya.
Giabi-abi usab sa duha ka nag-unang grupo sa Lopez family ang pagsulod ni Ang. Si Gabby miingon nga ang pagbaligya sa iyang stake usa ka lakang padulong sa pagpahiuli sa kalinaw sa pamilya, samtang si Lopez Inc. president Federico “Piki” Lopez nag-ingon nga ang eksperyensya ug kapasidad ni Ang mahimong makatabang sa pagpalig-on sa negosyo.
Photo courtesy: Insider Ph
