Sugdan na sunod semana sa mga tropa sa South Korea ug Estados Unidos ang ilang tinuig nga military exercises agi og pagpangandam sa batok sa mga hulga sa North Korea. Mao kini ang gianunsyo sa alyado nga mga nasud pila ka adlaw human gibalik sa North Korea ang ilang ballistic missile testing bisan pa man gi-ban na sa United Nations.
Sumala pa sa tigpamaba sa South Korean military Jang Do-young nga sugdan na sa Ulchi Freedom Shield sunod Lunes ang 11 ka adlaw nga kalihukan diin sama sa mga nakalabay nga mga katuigan, gibana-bana nga mukabat sa 18,000 ka mga sundalo sa South Korea ang musalmot niini.
Sa iyang pamahayag sa press conference, niingon ang tigpamaba sa U.S. military, Ryan Donald nga daw tinuod gayud ang mga hulga ang atubangon atol sa exercises lakip na ang mga nakat-onan nga mga leksyon gikan sa mga conflicts diin magsilbi kini nga kahigayunan aron mas mapalig-on pa ang kaandam ug kapasidad sa mga sundalo sa joint, all-domain operations.
Kahinumduman nga gikondenar sa South Korea ug Japan ang pagpalapad sa North Korea sa ilang nuclear ug misile arsenals. Kahinumduman nga dunay giluwatan nga mga resolusyon ang U.N. Security Council sa pag-ban sa North Korea sa paghimo og bisan una nga ballistic activities.
Photo courtesy: WSJ
