Nanguna ang Cebuano nga si Nic Cabañero sa opensa sa Biñan Tatak Gel sa ilang pagbangon batok sa Parañaque Patriots, human milusot og 110-86 sa MPBL 2026 sa Paco Arena.
Nakapuntos si Cabañero og 16 puntos, unom ka rebounds ug lima ka assists, aron pangulohan ang opensa sa Biñan human sa ilang kapildihan batok sa Abra Weavers sa miaging duwa.
Dako usab ang natampo ni Michael Mabulac, nga nakakuha sa titulong Best Player honors human nakalista og doble-doble nga 12 puntos ug 12 rebounds, dugang ang lima ka assists.
Hugot pa ang duwa sa unang hugna diin 47-41 lamang ang labaw sa Biñan. Apan mipabuto ang ilang opensa sa ikatulong quarter, diin nakadugan sila og 30 puntos samtang 19 lang ang Parañaque.
Tungod niini, misaka sa 77-60 ang ilang labaw paingon sa final quarter ug wala na nila buhii ang momentum hangtod sa kataposan.
Human sa kadaugan, milambo ngadto sa 17-4 ang kartada sa Biñan Tatak Gel sa MPBL 2026 season.
Photo courtesy: Instagram
