Naabot na sa committee level sa House of Representatives ang panukala nga nagtinguha nga ma-exempt sa income tax ang mga empleyado nga adunay annual income nga hangtod ₱350,000.
Gipahibalo ni Negros Occidental 3rd District Representative Javi Benitez nga suportado ang lakang nga gitumong sa pagdugang sa madawat nga sweldo sa mga trabahante, ilabi na karon nga padayon ang pagsaka sa presyo sa mga batakang panginahanglanon.
Apan, wala pa kini mahimong balaod. Kinahanglan pa nga moagi sa tulo ka readings sa House of Representatives ug maaprobahan sa kadaghanan sa mga miyembro niini.
Human sa House, ipasa pa ang panukala sa Senate diin kinahanglan usab kini og counterpart bill ug moagi sa laing deliberasyon sa dili pa mahimong balaod.
Ang proposal nahiuyon sa plano sa administrasyon ni President Ferdinand “Bongbong” Marcos Jr. nga ipataas ang income-tax exemption threshold aron madugangan ang take-home pay sa mga empleyado ug matabangan ang mga pamilya sa pag-atubang sa nagkataas nga cost of living.
Photo Courtesy: BitPinas
