Dakpan ang usa ka 37-anyos nga lalaki atol sa buy-bust operation sa Purok 1, Barangay Caronoche, Santa Catalina, Negros Oriental, niadtong Lunes, Agosto 10, 2026. Ang suspek, nga residente sa maong barangay, giingong nalambigit sa pagbaligya ug ilegal nga pagpanag-iya sa gituohang shabu.
Gikan sa suspek, nakumpiska sa mga operatiba ang mokabat sa 0.4 gramos nga gituohang shabu, nga adunay standard drug price nga P2,700.
Gipahigayon ang operasyon ubos sa koordinasyon sa Philippine Drug Enforcement Agency o PDEA. Sa pagka karun anaa na sa kustodiya sa kapulisan ang suspek ug mag atubang sa kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Photo Courtesy: NEGROS NEWSBITE TODAY
