Nagpahigayon og Drug Symposium ang City Anti-Drug Abuse Council (CADAC) Office sa LGU City of Mati niadtong milabay nga adlaw, isip kabahin sa pagselebrar sa Linggo ng Kabataan sa Barangay Tamisan sa dakbayan.
Gipasiugdahan ang kalihokan ubos sa pagpanguna ni Ret. PCOL Danilo G. Mendoza, CADAC Head, uban sa pakigtambayayong sa Barangay Tamisan ug sa mga opisyal sa Sangguniang Kabataan. Mipartisipar usab isip resource speaker si PLTCOL Frederick C. Sa-Ao, Acting Chief of Police sa Mati City Police Station.
Gipunting sa maong symposium ang pagpalig-on sa kahibalo ug pagka-alerto sa mga kabatan-onan batok sa ilegal nga droga, ingon man ang pagdasig kanila nga mahimong aktibong kabahin sa pagpugong sa kriminalidad.
Samtang pinaagi sa panaghiusa sa kapulisan, lokal nga panggamhanan, barangay ug kabatan-onan, mas mapalig-on ang paningkamot alang sa usa ka malinawon, luwas, ug drug-free nga komunidad.
Photo Courtesy: Mati CPS
