Nakaplagan ang usa ka bag-ong nahimugso nga bata ug gituohang wala pa molapas og 24 oras sukad sa pagkahimugso, human kini gibiyaan sa usa ka hagdanan sa Barangay Tawagan, Oras, Eastern Samar. Gituohang usa ka babaye nga anaa sa 15 o 17 anyos ang nagdala sa masuso sa maong lugar sa wala pa kini gibiyaan.
Sumala sa Municipal Social Welfare and Development Office (MSWDO) sa Oras, nakaplagan ang masuso sa maong kahimtang ug dali nga gihatagan og pag-atiman sa Municipal Health Office. Human sa unang pag-atiman, giturn-over ang bata ngadto sa Department of Social Welfare and Development (DSWD) alang sa tukmang pag-atiman ug proteksyon.
Gisugdan an usab sa kapulisan ang imbestigasyon aron matino kung kinsa ang inahan nga responsible sa pagbilin sa bata. Samtang, nanawagan ang MSWDO sa mga molupyo ug sa bisan kinsang adunay impormasyon bahin sa pagkatawo ug pagbiya sa masuso nga makigkoordinar sa mga awtoridad.
Tumong niini nga matino ang pagkatawo sa responsable sa pagbiya sa bata ug masiguro ang hustong pagpanalipod ug kaayohan sa bag-ong nahimugso nga bata.
Photo Courtesy: MSWDO
