Nakaangkon ug samad tinigbasan sa liog ang 40 anyos nga mag-uuma human gitigbas sa usa ka 24-anyos nga suspetsado sa Purok 1, Barangay Kabuhi, Mahayag, Zamboanga del Sur, niadtong nakalabay nga adlaw.
Sa inisyal nga imbestigasyon ang biktima nakig-inom pa ug ilimnong makahubog uban iyang higala apan sa kalit lang nga nahitabo ang pagpang-atake sa suspetsado gamit ang sundang sa wala matumbok nga rason.
Nakalikay pa unta ang biktima sa unang pagpang-atake sa suspetsado apan naapsan kini sa suspetsado hinungdan natigbasan kini igo sa iyang likurang bahin sa liog.
Human sa hitabo, ang bitkima daling gidala sa Mahayag Municipal Hospital alang sa dinaliang pagpatambal ug girekomenda nga ibalhin sa Ozamiz City alang sa dugang nga pagpatambal.
Samtang nadakpan ra usab dayon ang suspetsado sa mga miresponde nga mga Barangay Officials sa maong barangay ug giturn-over dayon sa kustodiya sa kapulisan lakip ang hinagiban nga gigamit sa pagpanigbas.
Photo Courtesy: ZSPPO
