Nanguna ang Food, Transportation, ug Housing nga mga commodity group nga nakatampo sa headline inflation sa bulan sa Hulyo 2026 ngadto sa 8.6 percent kumpara sa 8.1 percent sa bulan sa Hunyo ning kasamtangan nga tuig.
Ang maong datos nakabase sa Zamboanga del Sur Inflation Report nga gipagawas sa Philippine Statistics Authority (PSA) Zamboanga del Sur, niadtong Agosto 8, 2026.
Base sa report, ang food ug non-alcoholic beverages adunay pinakadakong share nga 63.5 percent o katumbas sa 5.46 percentage points sa overall inflation.
Nagsunod niini ang transportation commodity nga adunay 12.2 percent share, o katumbas sa 1.05 percentage points. Samtang ang housing, water, electricity, ug uban pang fuel nakatampo ug 11.2 percent o katumbas sa 0.97 percentage point.
Kini nagpasabot nga ang presyo sa pagkaon, gasto sa transportasyon ug mga balayranan sa sulod sa panimalay maoy pipila sa nag-unang hinungdan nga nakaapekto sa pagtaas sa inflation ning bulan sa Hulyo, 2026.
