Gihangyo sa lokal nga kagamhanan sa Cagayan de Oro ang LTFRB-10 nga aksyunan ang sugyot sa pagpaubos sa plete sa mga commuters nga nagsakay sa mga provincial public utility vehicles gikan sa Misamis Oriental pasulod sa syudad.
Matod ni Janboy Actub, spokesperson ni Mayor Rolando “Klarex” Uy, nagka tagbo na sa niaging semana ang LTFRB-10 ug LGU CDO aron hisgutan ug tun-an ang sugyot.
Gipasabot sa LGU nga mubo na lamang ang rota sa mga sakyanan gikan sa Misamis Oriental tungod sa pagpatuman sa ordinansa nga naglimita sa pagsulod sa provincial buses sa downtown area.
Gilauman nga hatagan og konsiderasyon sa LTFRB-10 ang kahimtang sa mga commuters ug operators aron masiguro nga patas ug makatarunganon ang plete sa mga pasahero.
Photo courtesy: LTFRB Region X
