Nakapaguol sa daghang nakasaksi ang usa ka inahan nga dolphin nga ginganlan og Fraggle human kini nakit-an nga padayon nga naglangoy sa kadagatan samtang nagdala-dala sa lawas sa iyang patay nga anak. Bisan wala na’y kinabuhi ang maong gamay nga dolphin, wala dayon kini gibuhian sa inahan samtang padayon siyang naglangoy uban sa iyang pundok.
Sumala sa mga marine scientist, mas nakapadugang sa kasubo sa maong sitwasyon ang obserbasyon nga nagpakita sa mga hagit sa nangaging mga anak ni Fraggle sa wala pa kini nga insidente. Ang maong kaagi nagpakita sa kalisod nga giatubang sa inahang dolphin sa pagpadako sa iyang mga anak taliwala sa mga peligro sa kadagatan.
Ang maong panghitabo nakapukaw sa atensyon sa publiko ug nahimong dakong pahinumdom sa lig-on nga maternal bond o emosyonal nga relasyon sa mga dolphin. Nagpakita kini sa ilang taas nga lebel sa pag-atiman ug pagkamatngon sa ilang mga anak, bisan pa man sa kasakit sa pagkawala niini
Photo Courtesy:Our Blue Planet
