Giawhag sa Carmen Municipal Police Station, ang kamahinungdanon sa panaghiusa sa ginikanan, magtutudlo, ug komunidad aron mapugngan ang bullying ug uban pang insidente nga mahimong makaapekto sa kaluwasan ug kaayohan sa mga estudyante. Gihisgutan kini atol sa PTA meeting sa Bai Sibayan Elementary School sa Malapag, Carmen, Cotabato.
Gipahinungod usab sa kapulisan nga dili lang trabaho sa eskwelahan ang pagpanalipod sa mga bata, kundili responsibilidad sa tanang stakeholders. Pinaagi sa aktibong pagtinabangay ug sayong pagreport sa mga problema, mas mapadayon ang usa ka luwas, malinawon, ug maayong palibot alang sa pagkat-on sa mga kabataan.
Photo Courtesy: Carmen Municipal Police Station
