Gilauman ang dakong rollback sa presyo sa gasolina ug diesel ning semanaha, base sa unang kalkulasyon sa industriya sa lana. Sumala sa usa ka oil industry source, mahimong mokunhod og ₱4.50 hangtod ₱5.00 kada litro ang presyo sa gasolina ug diesel.
Gibase ang projection sa average trading prices sa Mean of Platts Singapore (MOPS) ug foreign exchange rates sa unang upat ka adlaw sa trading period. Matud sa source, mikunhod ang presyo sa lana tungod sa paglaum sa diplomatic breakthrough sa gubat tali sa Estados Unidos ug Iran, nga nakapamenos sa geopolitical risk premium.
Nakatabang usab sa pagpaubos sa presyo ang mas lig-on nga Philippine peso batok sa US dollar. Sa miaging semana, nga epektibo niadtong Agosto 4, gipaubos sa oil companies ang presyo sa gasolina og ₱0.73 kada litro, diesel og ₱0.60, ug kerosene og ₱2.09 kada litro.
Photo Courtesy: Philnews.ph
