Angol ang lima ka tawo human miigo ang bagyong “Dolphin” sa habagatang bahin sa Okinawa, Japan. Tungod sa kakusog sa bagyo, kapin 14,000 ka mga building ang nawad-an og suplay sa kuryente.
Naapektuhan usab sa bagyo ang Amami Island sa Kagoshima Prefecture. Daghang flights ang gikansela tungod sa dili maayong kahimtang sa panahon, lakip na ang mga flights padulong ug gikan sa China ug Taiwan.
Samtang, padulong na sa direksyon sa China ang bagyo. Sumala sa Japan Meteorological Agency, nakaabot sa 162 kilometros matag oras ang kusog sa hangin sa bagyo, samtang misaka hangtod 216 kilometros matag oras ang pagbugso sa hangin.
Photo Courtesy: CGTN
