Mpokabat sa 34 ka mga Persons Deprived of Liberty (PDL) sa Bureau of Jail Management and Penology (BJMP) Male Dormitory, Dipolog City Jail ang migradwar sa Alternative Learning System (ALS) atol sa ika-17 nga Graduation ug Moving Up Ceremonies nga gipahigayon kagahapong adlawa Agosto 10, 2026.
Gipangunahan ang seremonyas pinaagi sa Department of Education (DepEd) Alternative Learning System a pakigtambayayong sa BJMP Dipolog Male Dormitory ug sa Kagamhanang Lokal sa Dipolog.
Sa 34 ka mga gradwado, 13 ang nakatapos sa lebel sa Elementary samtang 21 ang nakatapos sa lebel sa Junior High School.
Mitambong sa maong seremonyas sila si City District Jail Warden JCINSP Jonathan N. Arawangsa, City Vice Mayor Senen O. Angeles, DepEd Dipolog City Schools Division Superintendent Dr. Ma. Liza R. Tabilon, Assistant Schools Division Superintendent Dr. Rosali B. Conturno Jr., CID OIC-Chief Dr. Edgardo S. Cabalida, PSDS/ALS Focal Person Jovencia Muit-Samante, ug Education Program Specialist II–ALS Jessica M. Behilda
Gipasiugda sa maong kalihokan ang dakong papel sa edukasyon sa paghatag og mga oportunidad alang sa personal nga paglambo, rehabilitasyon, ug bag-ong dalan paingon sa pagbalik sa katilingban alang sa mga PDL nga estudyante.
Photo Courtesy: Dipolog City Government
