Misaka na sa 111 ang namatay human miigo ang kusog nga 7.4-magnitude nga linog sa kasadpang bahin sa Colombia niadtong Lunes Dugang pa niini ang 87 ka indibidwal ang nasamdan.
Matud pa ni Colombian President Abelardo de la Espriella, mikabat sa 1,575 ka balay ang nadaot tungod sa linog, samtang naapektuhan usab ang imprastraktura sa unom ka mga tugpahanan diin gisuspenso ang komersyal nga mga flight niini.
Una nang mideklarar ang gobyerno sa Colombia og state of national disaster aron mapadali ang pagtubag sa mga panginahanglanon sa mga lugar nga grabeng naapektuhan sa linog.
Sumala sa Colombian Geological Service, nahitabo ang linog alas 7:34 sa buntag, ug ang epicenter niini nahimutang duol sa San Jose del Palmar sa Choco department, sa giladmon nga 96 kilometros.
Photo courtesy: WSJ
