Patay ang 18-anyos nga batan-ong lalaki human nakuryentihan didto sa Barangay Poblacion Sur Don Carlos, Bukidnon alas 3:10 niadtong nakalabay nga adlaw.
Usa ka 52-anyos nga senior lineman sa FIBECO ang mitaho sa kapolisan sa dapit apan nadala na ang biktima sa Pahilan Doctors Hospital kung asa gideklara kining Dead on Arrival (DOA) sa nag-atiman nga si Dr. Patricia Mae Balaba.
Sumala sa pamilya, nanghayhay lamang sa iyang nilabhan ang biktima sa usa ka cable wire dihang kalit kini nga gilamoy sa kusog nga kuryente.
Pinaagi sa gipahigayong pagsusi uban sa personahe sa FIBECO, nasayran nga adunay usa ka live wire nga nagisi ug nitukod o nidapat sa sin nga atop sa ilang balay—kung asa nakakabit sab ang maong wire nga gigamit nga halayanan sa biktima.
Sa karon, gipahiluna ang patayng lawas biktima sa usa ka Funeral Homes sa lungsod samtang nagpadayon ang mas lawom nga imbestigasyon sa kapolisan sa nahitabo
Photo Courtesy:Don Carlos MPS
