Nisaad ang Prime Minister sa Thailand nga si Anutin Charnvirakul nga magpatuman og mas higpit nga balaod bahin sa pagkupot og pusil human sa nahitabong pagpamusil sa usa ka 14-anyos nga estudyante sa Nonthaburi nga nikalas sa kinabuhi sa walo ka tawo ug nakangol og baynte dos ka lain pa. Una nga gipamatay sa maong batan-on ang iyang kaugalingong mga apohan sa wala pa siya nideretso sa Debsirin School, diin iyang gipamusil ang lima ka magtutudlo ug sa nagpakamatay usab kini.
Sumala sa pulisya, ang armas ug ang mga bala nga gigamit sa krimen propidad sa iyang lolo ug legal nga nakarehistro. Nipahayag ang punong ministro nga ang bag-ong balaod maglimitar sa pagdala og armas sa pampublikong lugar, ug ang mga opisyal lang sa gobyerno nga naa sa ilang opisyal nga duty ang tugotan nga makadala niini.
Ang maong trahedya nipahinumdom ug naghatag na usab og pagtagad sa taas nga gidaghanon sa mga sibilyan nga naghupot og armas sa Thailand, nga gibanabana nga niabot na sa 10.3 ka milyon, lakip na ang upat ka milyon nga ilegal. Sa kasamtangan, padayon gihapon ang gihimong imbestigasyon sa mga awtoridad aron masuta ang uban pang detalye sa luyo niining maduguong insidente.
Photo courtesy: Philippine News Agency
