Nanawagan si Ombudsman Jesus Crispin Remulla niadtong Sabado, Agosto 8, sa mga mayor nga usisahon pag-ayo ang mga opisina sa ilang gipamunuan batok sa posibleng korapsyon sa koleksyon sa basura ug sa mga kontrata sa waste management. Sa iyang programa sa radyo, gidayeg ni Remulla ang pipila ka mayor lakip na sila si Quezon City Mayor Joy Belmonte ug Pasig City Mayor Vico Sotto, nga nidumili sa pag-apil sa mga ingon ani nga modus.
Sumala pa niya, dili kinahanglan sa maong mga lider ang ingon niana nga binuhatan ug gidasig niya sila nga susihon ang mga departamento parehas sa Business Processing and Licensing Office (BPLO) ug Office of the Building Official aron masigurong walay ginagmay o dakong anomalya nga nahitabo sa ilang ubos.
Dugang pa ni Remulla, kinahanglang magmatngon ang mga lider sa lungsod ug syudad sa ilang mga kawani nga posibleng naghimo og dili maayong binuhatan sa pwesto. Nanawagan pud siya sa publiko nga dili magpanuko sa pagsumbong kon may maatikdan silang mga iregularidad nga gihimo sa mga mayor o sa mga opisina nga ilawom sa ilang pamahalaan.
Pinaagi sa usa ka hagit sa tawo ug sa mga opisyal, gipahayag ni Remulla nga kon may reklamo man bahin sa mayor o sa pag-apply og mga lisensya ug permit, kinahanglan kining ipasaka sa mayor ug hatagan pud og kopya ang Ombudsman ug ang Anti-Red Tape Authority (ARTA) aron magkaalaman kon kinsa ang paspas nga molihok. Gipadangat usab niya ang pahinumdom sa tanan nga i-report dayon kon ugaling balibaran o lisud-lisuron sila sa pagkuha og business permit.
Photo courtesy: Llanesca T. Panti/ GMA News
