Miulbo ang dakong grassfire sa bukirang bahin sa Bernadette Village, Barangay Luna, Dakbayan sa Surigao. Misaka ang kalayo ug mitabon sa usa ka bahin sa kasagbutan sa maong lugar.
Dali nga mitubag ang mga personnel sa Bureau of Fire Protection BFP-Surigao City aron mapugngan ang pagkaylap sa kalayo ngadto sa ubang dapit, ilabina sa mga lugar nga duol sa mga kabalayan.
Mitabang usab sa responde ang City Disaster Risk Reduction and Management Office (CDRRMO), samtang padayon ang operasyon sa pagpalong ug pagkontrol sa sunog.
Padayon pa ang mga otoridad sa pagsuta sa hinungdan aron hingpit nga masayran kon adunay naapektohan. Gihangyo usab ang mga residente nga magbantay ug likayan ang bisan unsang kalihokan nga mahimong hinungdan sa pagkasunog sa sagbut ug kalasangan.
