Nadakpan ang usa ka 24 anyos nga babaye nga taga-brgy Cuambogan sa Tagum City human nalambigit sa ilegal nga sugal, gikan sa hiniusang operasyon sa mga operatiba sa Davao Norte Police Provincial Office uban ang nagkalain-laing operatiba sa kapulisan ning probinsya sa Purok Magsanoc, Barangay Mankilam, Tagum City niadtong nakalabay nga adlaw.
Giila sa kapulisan ang suspetsado nga si alyas “Lyn,” usa ka dalaga ug residente sa Purok Sto. Niño, Barangay Cuambogan, Tagum City. Gidakop siya tungod sa giingong paglapas sa Republic Act 9287 o ang balaod nga nagdili sa illegal numbers game.
Atol sa operasyon, narekober gikan sa dinakpan ang usa ka bet receipt, whiteboard marker, itom nga ballpen, gamayng whiteboard, portable printer, kahoy nga lingkuranan, pouch, usa ka ₱50 nga marked money, usa ka unit sa cellphone, ug ₱775 nga kantidad sa gidudahang kita gikan sa ilegal nga sugal. Sa pagkakaron, ang nadakpan nga suspek ug ang tanang nakompiskang ebidensya anaa na sa kustodiya sa Tagum City Police Station alang sa hustong dokumentasyon.
Photo Courtesy: The Independent
