Gipahibalo ni Persons with Disability Affairs Office o PDAO Head Benjamin “Boy” Solivio ang pagsugod kagahapong adlawa Hulyo 17, 2026 ang selebrasyon sa National Disability Rights Week sa Pagadian City.
Ang tema karong tuiga mao ang “Rights First, Legislation Forward: Strategic Action for Equal Participation and Inclusive Development,” nga nagpunting sa pagpalig-on sa katungod sa mga Persons with Disabilities (PWDs) ug sa ilang patas nga partisipasyon sa kalamboan.
Lakip sa mga kalihokan ang fun walk, pagbitay sa mga tarpaulin sa matag barangay, radio guesting, Basic Orientation Seminar on Gender and Development, ug Nail Technology Enhancement Training alang sa mga PWD.
Sa Byernes, nga maoy katapusang adlaw sa selebrasyon, ipahigayon ang Serbisyong Caravan para sa mga Persons with Disabilities, diin adunay libreng medical check-up uban sa suporta sa mga pribadong stakeholders ug nagkadaiyang partner agencies.
Giingon ni Solivio, pinaagi sa maong selebrasyon, ang padayon nga paningkamot sa pagpanalipod sa katungod sa mga Persons with Disabilities ug sa pagtukod ug katilingban nga patas ang partisipasyon sa tanan.
