Opisyal nang nanumpa ang 67 ka Newly Appointed Jail Officer 1 dungan sa Oath-Taking Ceremony nga gihimo sa Covered Court sa Pagadian City adlawng Miyerkules, Hulyo 16, 2026. Nanguna sa maong kalihukan si Bureau of Jail Management and Penology (BJMP) Regional Office 9 Director JCSUPT Amado Conception Jr., CESE, uban sa mga opisyal ug kawani sa BJMP Regional Office 9.
Gitambongan usab ang seremonya sa mga pamilya ug mga minahal sa kinabuhi sa mga bag-ong jail officer isip pagpakita sa ilang suporta ngadto sa mga nanumpa nga Jail Officer 1.
Segon ni JCSUPT Conception, ang maong panumpa nagpakita sa pormal nga pagsugod sa ilang pag-alagad isip mga bag-ong miyembro sa BJMP uban ang dakong responsibilidad sa pagpabilin sa kalinaw, kahapsay, ug seguridad sulod sa mga jail facility sa nagkadaiyang bahin sa Zamboanga Peninsula.
Ang 67 ka bag-ong Jail Officer 1 tubag sa gikinahanglang qouta sa rehiyon 9 alang sa tuig 2026 nga recruitment activity nga nagpakita sa ilang tinud-anayng dedikasyon sa katungdanan isip alagad sa katawhan.
Photo Courtesy:BJMP Regional Office 9
