Dakpan ang usa ka 41-anyos nga lalaki human makuhaan ug ilegal nga armas atol sa search warrant implementation sa Purok Alanginan 2, Barangay Culo, Molave, Zamboanga del Sur, alas 4:25 sa hapon niadtong nakalabay nga adlaw.
Ang operasyon gihimo sa hiniusang pwersa sa CIDG Zamboanga del Sur Provincial Field Unit, Molave Municipal Police Station, ug 902nd Maneuver Company sa Regional Mobile Force Battalion 9, pinaagi sa search warrant nga gi-isyu sa Regional Trial Court Branch 8 sa Molave.
Nasakmit sa operasyon ang usa ka kalibre 45 nga pistola, usa ka steel magazine, upat ka buhing bala, ug usa ka sling bag.
Ang suspetsado ug ang mga nakumpiska nga ebidensya gidala sa CIDG Zamboanga del Sur Provincial Field Unit alang sa hustong dokumentasyon ug gi-andam na ang kasong paglapas sa Republic Act 10591 o ang Comprehensive Firearms and Ammunition Regulation Act.
Photo Courtesy:ZSPPO
