Usa ka 28 anyos nga babaye gikan sa Brooklyn, New York, ang nakadani sa atensyon sa publiko human midagan sa Brooklyn Half Marathon nga nagsul-ob og wedding gown, uban sa makalingaw nga paglaom nga basin ang iyang umaabot nga bana maghulat kaniya sa finish line.
Ang maong babaye nga si Tess Tregellas, usa ka stand-up comedian, miingon nga kabahin kini sa iyang komedya ug paagi sa paghatag og positibong mensahe sa mga tawo.
Bisan wala siyay nakit-ang mahimong kapikas human sa lumba, matod niya nga daghan ang nalipay ug nakig-selfie kaniya, ilabina ang mga kababayen-an nga na-inspire sa iyang gihimo.
Gipasabot usab ni Tess nga ang iyang pagsul-ob og wedding gown dili lamang bahin sa pagpangita og gugma, kondili aron magpakaylap og good vibes ug magdasig sa kababayen-an nga mahimong malipayon ug masaligon bisan wala pa makakaplag og kapikas.
Dili usab kini ang unang higayon nga midagan siya sa marathon nga nagsul-ob og wedding gown, tungod kay duha na ka tuig niya kining gihimong kabahin sa iyang comedy act ug personalidad sa social media.
Photo Courtesy: PEP.ph
