Aminado si Senate President Sherwin Gatchalian nga nasakitan siya sa mga meme nga nikatap sa social media kalabot sa paglingkod niini sa kiliran ni Senador Francis “Chiz” Escudero kinsa nagsilbing presiding officer sa impeachment trial ni Vice President Sara Duterte.
Pamahayag ni Gatchalian nga isip usa ka tawo, nainsulto siya ug naapektohan sa mga pagtamay ug pagbugalbugal kaniya.
Apan matud sa opisyal nga gidawat na lamang niya ang tanan isip kabahin sa iyang katungdanan ug sa kasamtangang realidad sa social media.
Gidugang usab niini nga magpabilin siya sa kiliran ni Escudero sanglit siya gihapon ang presidente sa senado bisan pa man nga adunay pipila ka gahum nga gihatag ngadto kang Escudero isip presiding officer.
Gani gitandi usab ni Gatchalian ang kasamtangang niyang kahimtang sa impeachment trial ni kanhi Pangulong Joseph Estrada, diin nagtapad sila ni kanhi Chief Justice Hilario Davide Jr. isip presiding ug Senate President Aquilino “Nene” Pimentel Jr.
