Opisyal nga gitugyan kagahapong adlawa, Hulyo 16, 2026, ang duha ka bag-ong Bureau of Jail Management and Penology (BJMP) Transport Vehicles ngadto sa Cebu City Jail – Male Dormitory ug Lapu-Lapu City Jail, aron mapalig-on ang luwas ug hapsay nga pagbiyahe sa mga Persons Deprived of Liberty (PDLs) sa Central Visayas.
Ang duha ka sakyanan kabahin sa 12 ka bag-ong transport vehicles nga gipalit sa BJMP National Headquarters.
Uban sa mas bag-ong disenyo ug mas gipalambo nga mga safety ug security features, gilauman nga mas maayo ang pagbalhin sa mga PDL, ilabina sa mga giila nga high-risk, samtang mapalig-on usab ang episyente ug luwas nga pagdumala sa mga correctional services.
Ang maong inisyatiba kabahin sa pasalig ni Presidente Ferdinand R. Marcos Jr. sa pagmodernisar sa mga serbisyo sa gobyerno pinaagi sa paghatag og mas maayong mga kagamitan ngadto sa mga frontline agencies aron mapalambo ang kaluwasan sa publiko ug ang paghatag og episyenteng serbisyo.
Photo courtesy: BJMP Regional Office VII
