Wala gitugutan sa usa ka korte sa Kenya ang mga Rastafarians sa paggamit og marijuana ilalom sa religious grounds. Mao kini ang hukom sa korte niadtong Miyerkoles.
Sa nasayran, naandan na sa mga Rastafarians, ang pag-gamit og marijuana isip tipik sa ilang religious meditation.
Gikataho nga taas ang panahon nga gipaabot sa mga Rastafarians alang sa pagpakanaog og hukom sa Korte may labot sa petisyon ngadto sa korte kung makagamit ba sila og marijuana sigon sa nalatid nga katungod nila ilalom sa konstitusyon may labot freedom of religion.
Sumala pa sa korte nga napakyas ang mga nisang-at sa petisyon sa pagpakita kung ngano nga mas mupatigbabaw ang religious freedom kaysa sa gilatid sa balaod may labot sa illegal nga drugas.
Matod pa sa korte nga “dismissed in its entirety” ang maong petisyon.
Ilalom sa balaod nga giaprubahan sa korte niadtong tuig 1994, mag-atubang ug silot nga di muminos sa 10 ka tuig nga pagkabillanggo ug dakong multa ang bisan kinsa nga masakpan nga magkupot og marijuana.
Photo courtesy: African Union African Diasfora High Council
