Nasikop ang usa ka suspetsado atol sa gihimong operasyon batok sa ilegal nga pagbaligya sa smuggled, undocumented, ug counterfeit nga mga sigarilyo nga gipahigayon sa Barobo Municipal Police Station (MPS) niadtong nakalabay nga adlaw, alas-10:00 sa gabii, sa Purok 6, Diversion Road, Brgy. Poblacion, Barobo, Surigao del Sur.
Ang operasyon gipangulohan sa mga kapulisan ubos sa pagdumala ni PMAJ Andrew G. Lupian, Officer-in-Charge sa Barobo MPS.
Atol sa operasyon, nakumpiskar ang mga operatiba og walo ka ream sa undocumented ug smuggled nga mga sigarilyo nga adunay gibanabana nga kantidad nga ₱3,600.
Sa pagkakaron, anaa na siya sa kustodiya sa Barobo MPS kauban ang mga nakumpiskar nga ebidensiya alang sa hustong dokumentasyon ug pagpasaka sa angay nga mga kaso.
Photo courtesy: Barobo MPS
