Giklaro ni Tagoloan National High School Principal Melende Catid nga sa panahon sa iyang pagpangulo sa Misamis Oriental General Comprehensive High School MOGCHS, iyang gipawagtang ang paggamit sa clearance system panahon sa eksaminasyon aron dili malangan ang mga estudyante ug makapokus sa ilang pagtuon ug makatake sa eksam sa hustong oras ug panahon.
Sumala kang Catid, ang mga kontribusyon sa Parents-Teachers Association PTA boluntaryo lamang ug dili mahimong kondisyon aron makatake og eksam ang mga estudyante. Ang amota sa PTA wala usab nahimong rason nga adunay estudyanteng nalangan sa pagkuha sa eksam tungod sa kakulang sa kontribusyon.
Dugang pa niya, isip kasamtangang prinsipal sa Tagoloan National High School, ipadayon niya ang maong polisiya sa iyang bag-ong eskwelahan aron malikayan ang dugang nga pressure sa mga ginikanan ug estudyante, ug masiguro nga walay estudyanteng malangan sa pag-eksam tungod sa mga boluntaryong amota.
Photo courtesy: MOGCHS-Misamis Oriental General Comprehensive High School
