Komitado ang Department of Public Works and Highways kon DPWH Region X nga makatampo sa implementasyon sa Northern Mindanao Road Safety Action Plan 2026-2030 nga gilunsad sa nilabayng adlaw.
Sumala pa ni Maribel Monteza sa Planning & Design-DPWH X, nag-unang tahas sa ilahang ahensya ang pagdesenyo, pagtukod ug pagmintina, sa mga pampublikong estruktura lakip na ang mga kadalanan.
Saysay pa ni Monteza dili lamang kini simpleng kadalanan o istruktura apan ang ilang mga proyekto dako ang ikatampo sa ekonomiya sa rehiyon ug kinabuhi sa katawhan.
Busa, padayon ang ilahang paningkamot nga mas mapalambo ang kadalanan sa rehiyon alang sa kaluwasan sa mga motorista ug makunhuran ang mga aksidente sa kadalanan.
Gipunting sab ni Monteza ang kaimportante sa hugot nga koordinasyon sa uban pang ahensya sa gobyerno aron nga magmalampuson ang implementasyon sa Northern Mindanao Road Safety Action Plan.
Photo Courtesy: DPWH
