Giawhag ni City Local Environment and Natural Resources Office (CLENRO) Department Head Bing Mabellin ang mga residente sa Cagayan de Oro nga magpasaka og pormal nga reklamo kon adunay garbage collector nga mangayo og suhol adesir kolektahon ang basura.
Matod ni Mabellin, importante nga ilakip sa reklamo ang truck number, petsa, oras, ug eksaktong lugar sa insidente aron dali nilang maimbestigahan ug matawag ang atensyon sa mga responsable.
Gipasabot usab niya nga daghan sa ilang madawat nga reklamo ang kulang sa impormasyon rason nga dili dayon masulbad ang problema.
Ang panawagan gisundan sa reklamo sa usa ka residente sa Barangay 35 nga giingong gipangayoan og suhol aron makolekta ang ilang basura.
Photo courtesy: Philippine Information Agency
