Nakadawat og kinatibuk-ang P387,118.62 nga benepisyo ug monetary award ang duha ka trabahante human malampusong nasulbad pinaagi sa amicable settlement ang ilang tagsa-tagsa ka labor dispute sa National Labor Relations Commission (NLRC) Sub-Regional Arbitration Branch (SRAB) XII General Santos City Branch No. 2.
Ang duha ka benepisyaryo, nga parehong taga-General Santos City, nakadawat og P261,507.42 ug P125,611.20, sumala sa kasabutan nga napanag-iya sa duha ka partido.
Gipasabot sa NLRC nga ang maong amicable settlement nagpamatuod sa kaepektibo sa alternative modes of dispute resolution, nga nagtugot sa mas paspas, hapsay, ug patas nga paghusay sa mga labor disputes nga wala na moagi sa taas ug komplikadong proseso sa paglitis.
Matud pa sa komisyon, kabahin kini sa ilang padayon nga paningkamot sa pagpalig-on sa hustisya alang sa mga mamumuo ug sa paghatag og episyente, responsibo, ug makatarunganong serbisyo publiko sa labor sector.
Photo Courtesy: NLRC Region Xll
