Gikumpirma sa hepe sa Digos City Police Station, si PLTCol Norman Yparaguirre, nga stable na ang kahimtang sa construction worker nga nahagbong gikan sa gitukod nga establisyemento sa may 1st Crumb, Digos City.
Sumala kang PLTCol Yparaguirre sa pakighinabi sa Juander Radyo Digos News Team, gikatakda nang mogawas sa ospital ang maong construction worker human mahatagan og tambal ug pag-atiman.
Sa inisyal nga imbestigasyon, gituohang na-out of balance ang biktima samtang nagtrabaho maong nahulog kini gikan sa gitrabahoan nga bahin sa establisyemento.
Wala na gipadayag sa mga otoridad ang identidad sa biktima.
