Nagpadayon ang Pilipinas Sepak Takraw sa pagpangandam alang sa King’s Cup World Championship sa Thailand isip kabahin sa ilang preparasyon para sa 2026 Asian Games sa Japan karong Setyembre.
Human makakuha og duha ka bronze medal sa 2023 Asian Games ug laing bronze medal sa men’s ug women’s events sa Southeast Asian Games, determinado ang national team nga mapadayon ang ilang maayong dagan sa internasyonal nga kompetisyon.
Matud ni national player Jason Huerte, dako ang ilang kalipay nga nakahatag og medalya alang sa Pilipinas ug nagsilbi kining inspirasyon aron mas mapalig-on pa ang ilang kahimtang isip team.
Samtang, giingon ni coach Grendel Ilogon nga importante ang King’s Cup tungod kay magsilbi kini nga tune-up tournament aron matimbang ang ilang kusog ug matul-id ang mga kakulangan sa dili pa ang Asian Games.
Ang sepak takraw usa ka duwa nga naghiusa sa abilidad sa volleyball ug football, diin gikinahanglan ang lig-on nga panaghiusa, kusog sa mga bitiis ug tukmang pagkontrol sa bola aron magmalampuson.
Photo Courtesy:Pilipinas Sepak Takraw
