Gisulayan og sunog ang balay sa beteranong Senate reporter ug BNC Digital Head nga si Marlon Ramos sa Villa Caceres Subdivision, Sta. Rosa City, Laguna, niadtong Hulyo 16.
Subaya sa report, nasunog ang bahin sa ilang kusina apan dali nga narespondehan sa Bureau of Fire Protection (BFP), samtang nadakpan sa mga security guard ang 21-anyos nga suspek nga nailhang si alyas “Juper” nga nagdala og sudlanan nga adunay gasolina.
Hinuon, giangkon sa suspek nga iyang gisulayan pagsunog ang balay tungod kay giingon niyang gi-bully siya sa kamanghuran nga anak ni Ramos.
Saysay sab sa magsisibya, dugay na nilang gilikayan ang suspek tungod sa iyang katingad-an nga pamatasan, samtang padayon na ang imbestigasyon sa kapolisan sa maong insidente.
Photo Courtesy: BNC Youtube
