Nagpahigayon og orientation si Department of Interior and Local Government (DILG) City Director Maria Maida B. Daniot, ngadto sa mga sakop sa 19th Council sa Sangguniang Panlungsod kabahin sa Gender Sensitivity.
Gihisgotan sa maong panagtigum ang mga legal nga pundasyon sa Gender and Development (GAD), mga konsepto sa kasarian, ug ang katungdanan sa Sanggunian sa paghimo og mga ordinansa, paggahin og pundo, ug pag-supervise sa mga polisiya.
Gisaysay usab ni Daniot, ang papel sa lokal nga magbabalaod sa paghatag og patas nga oportunidad, paghatag og proteksyon sa mga sektor sa katilingban, ug paghaom sa mga serbisyo publiko alang sa mga lungsoranon sa Iligan.
Kini nga programa, gipasiugdahan sa Kagamhanang Lokal sa Iligan ug sa DILG isip kabahin sa pagpalambo sa kapasidad sa mga lokal nga magbabalaod sa pagpatuman sa mga polisiya sa panggobiyerno.
