Dakpan ang 63-anyos nga lalaki kinsa naila nga Top 2 Most Wanted sa Ewarrant Municipal Level ug Top 10 Most Wanted Provincial Level pinaagi sa gipahigayon nga joint law enforcement operation sa kapulisan sa Barangay Gunyan, lungsod sa Siayan, Zamboanga del Norte niadtong Hulyo 10, 2026.
Giila ang dinakpan nga si alyas Junior, minyo ug residente sa maong barangay. Gisikop ang akusado pinasikad sa warrant of arrest sa kasong Rape nga gipagula sa Family Court, Branch 5, Sindangan, Zamboanga del Norte, pinetsahan ug Hulyo 6, 2026 nga dunay girekomendar nga pyansa nga mokabat sa Php80,000.00.
Gilusad ang maong operasyon pinaagi sa mga personahe sa Provincial Intelligence Unit (PIU), Zamboanga del Norte Police Provincial Office kauban ang Siayan Municipal Police Station, 1st Zamboanga del Norte Provincial Mobile Force Company ug 901st Regional Mobile Force Battalion 9.
Sa pagkakaron balhog na sa prisohan ang dinakpan alang sa tukmang disposisyon.
Photo Courtesy: Siayan MPS
