Gikonsidera ang Davao City, isip numero uno sa nasud-Pilipinas alang sa pagpuyo, pagtrabaho ug pagpamuhunan base sa 2025–2026 ranking sa CEOWORLD Magazine. Nakakuha ang dakbayan og iskor nga 36.1, nga nagbutang niini sa pinakataas nga puwesto sa nasud.
Giila ang Davao City tungod sa lig-on nga ekonomiya, maayong kahimtang sa seguridad ug nagkadaghang oportunidad alang sa mga residente, negosyo, ug mga mamumuhunan. Nagpadayon usab kini sa pagdani sa mga lokal ug langyaw nga investors.
Samtang, gipasalamatan ang liderato ni Davao City Mayor Sebastian Duterte tungod sa padayon nga paningkamot, aron mapalambo ang dakbayan. Ang maong pag-ila, giisip nga usa ka timailhan sa nagpadayon nga pagtubo ug kalambuan sa dakbayan sa Dabaw.
Photo Courtesy: City Government of Davao
