Gipausab sa Bangko Sentral ng Pilipinas ang forecast niini alang sa Balance of Payments (BOP) deficit sa 2026 ug 2027. Sumala sa nahisgutan nga bangko, padayon nga naapektuhan ang ekonomiya sa nasud tungod sa pag-usbaw sa presyo sa enerhiya sa kalibutan.
Matod sa BSP, ang taas nga gasto sa pag-angkat og lana ug uban pang produktong enerhiya, maoy usa sa nagpalapad sa trade deficit sa Pilipinas. Tungod niini, mas daghang dolyar ang mogawas sa nasud alang sa pagpalit og imported nga mga produkto.
Bisan pa niini, gipasalig sa BSP nga nagpadayon ang pagmonitor sa kahimtang sa ekonomiya ug sa mga kalihokan sa internasyonal nga merkado. Gilauman usab nga makatabang ang husto nga mga polisiya sa gobyerno, aron mapalig-on ang ekonomiya ug makunhoran ang epekto sa taas nga presyo sa enerhiya.
Photo Courtesy: Kuripot Pinoy
