Gitugotan na sa senado nga maksulod ang mga bisita. Kini ang gipamahayag ni Senate President Sherwin Gatchalian sa usa ka video message nunot sa security assurance sulod sa senado.
Matod ni Gatchalian, pasudlon na ang mga bisita sa Senado subay sa Visitor Management System. Kinahanglang kompletohon usa sa mga bisita ang gipatuman sa Office of Sergeant-at-Arms (OSAA) nga mga polisiya aron luwas ang tanang kawani, mga senador ug mga sakop sa media.
Miingon sab kini nga magpadayon sa pakigtambayayong ang mga security agencies sa institusyon. Matud sa senador nga padayon ang inspeksyon sa mga entrada, pagpakita og IDs, pagpatrolya sa Senado ug uban pa nga lakang aron mamintinar ang seguridad.
Samtang, dungan sa pagtugot nga makasulod ang mga bisita, giablihan na usab ang parkinganan sa mga senador nga dugay nang gisirad-an tungod sa kagubot ug sa bag-o lang nga intel report nga dunay hulga sa Senado.
Photo courtesy: ar.inspiredpencil.com
