Niabot sa sobra 38,000 ka mga kaso sa dengue ang natala sa unang unom kabuwan ning tuig 2026 sa nasud sa Malaysia diin giila nga labing taas sa kasaysayan sa nasud.
Subay sa datus nga gikan sa Health Ministry iDengue nga niabot na sa 38,842 ka mga kaso ang nareport gikan sa Enero 4 hangtud sa Hunyo 27.
Nag-una sa labing daghang kaso mao ang Selangor diin adunay 17,701 ka mga kaso, gisundan sa Kuala Lumpur nga adunay 7,191, ug Johor nga aduna 4,591.
Bag-o lang, nagkanayon si Health Minister Datuk Seri Dr. Dzulkefly Amad nga ang Malaysi anaa sa ikatulong talaan sa Asean nga adunay labing taas nga kaso sa dengue ning tuig 2026.
Samtang matud sab ni Dengue Prevention Advocacy Malaysia (DPAM) co-chairman Prof Dr Zamberi Sekawi nga dili bag-ong dengue virus ang DENV-3 apan usa sa upat ka mga established dengue virus serotypes apan sama ra sab kini sa ubang mga dengue infections.
Dugang niini nga ang mga pasyente nga makasinati sa maong sakit mobati og taas nga hilanat, labad sa ulo, sakit sa mata, magsuka, mangatol, ug kakapoy sa lawas.
Photo courtesy: Citizens journal
