Gisaulog ni actress Andi Eigenmann ang iyang ika-36 nga adlawng natawhan pinaagi sa usa ka yano apan makahuluganon nga selebrasyon uban sa iyang pamilya sa Siargao.
Sa iyang social media post, iyang gipadayag ang dakong pagpasalamat sa laing tuig nga gihatag kaniya ug giingong usa ka pribilehiyo ang pagkaedaran uban sa dugang nga kaalam.
Matud pa sa aktres, ang yano apan malipayon nga kinabuhi uban sa iyang pamilya mao ang labing bililhon nga regalo nga iyang nadawat.
Daghang higala ug mga fans usab ang mipadayag sa ilang mga pangumusta ug paghangyo og dugang panalangin alang kaniya sa iyang espesyal nga adlaw.
Photo Courtesy: Cosmo.ph/PH Star Spotlight
