Patay ang 11 ka indibidwal human nahagsa ang usa ka civilian aircraft nga lulan ang mga skydiver sa lungsod sa Tomblaine, Eastern France.
Sumala sa lokal nga mga awtoridad, lakip sa mga namatay mao ang piloto sa eroplano ug napulo ka mga pasahero, nga gilangkuban sa lima ka estudyante ug lima ka instruktor gikan sa usa ka eskwelahan sa parachuting.
Nahitabo ang maong trahedya pipila ka gutlo pa lamang human milupad ang eroplano gikan sa Nancy-Essey Airfield.
Tungod niini, dinalian nga nagpagawas og pahimangno ang kapulisan ngadto sa publiko nga likayan una ang palibot sa maong tugpahanan sa departamento sa Meurthe-et-Moselle samtang gisugdan na ang lawom nga imbestigasyon aron matino ang hinungdan sa pagkahagsa.
Gikumpirma sa mga opisyal nga walay laing sibilyan sa yuta ang naangol sa maong insidente, ug duna nay mga pamilya sa biktima nga daling miabot sa dapit. Samtang, gikatakda usab nga moabot sa lugar ang French interior minister aron personal nga masubay ang kahimtang ug pangunahan ang mga lakang ug tabang nga ihatag sa gobyerno.
Photo Courtesy: The Standard (HK)
