Nagpadala og truckloads sa pagkaon ug uban pang relief goods ang Philippine Red Cross North Cotabato–Kidapawan City Chapter, ngadto sa mga apektadong pamilya sa Malapatan, Sarangani ug pipila ka silingang lokal nga panggamhanan.
Gipangunahan ni Chapter Chairman Congressman Rudy Caoagdan ang relief mission, uban sa mga opisyal ug boluntaryo sa Red Cross nga nagtinabangay sa pag-andam ug paghatod sa mga kinahanglanong suplay.
Sumala sa Red Cross, kabahin kini sa ilang saad nga motubag sa panginahanglan sa mga komunidad nga naapektuhan sa kalamidad ug isip pagbalos usab sa tabang nga nadawat kaniadto sa North Cotabato sa panahon sa mga kalisdanan.
Gipasiugda niini, nga magpadayon sila sa paghatag og humanitarian assistance pinaagi sa panaghiusa sa mga boluntaryo, mga lider, ug sa komunidad aron maabot ang mga pamilyang labing nanginahanglan.
Photo Courtesy: Cong. Rudy S. Caoagdan, DPA
