Nasikop sa mga personahe sa Cateel Municipal Police Station kauban ang PDEU DOPPO ug lain pang mga operatiba, ang usa ka lalaki atol sa gipatumang buy-bust operation didto sa Sitio Tinimbo, Brgy. Poblacion, Cateel, Davao Oriental pasado 11:30 sa gabii niadtong Hunyo 27, 2026.
Giila ang suspetsado nga si alyas “Win”, 59-anyos, minyo, usa ka driver ug lumolopyo sa maong lugar, kinsa nag atubang sa kasong paglapas sa RA 9165 kun Comprehensive Dangerous Drugs Act of 2002.
Atol sa operasyon napalitan ang suspek usa ka pakete sa gituohang shabu, uban ang laing upat ka pakete sa shabu, usa ka Php 500 nga buy-bust money. Human sa pagdakop, gipahibalo siya sa husto sa kapulisan sa iyang katungod pinaagi sa pinulongan ang iyang nasabtan.
Sa kasamtangan ang dinakpan gikustodiya sa Cateel Municipal Police Station alang sa hustong disposisyon.
Photo Courtesy: Cateel MPS
