Gipahibalo sa Islamic Revolutionary Guard Corps (IRGC) nga naglusad sila ug missile ug drone strikes sa Kuwait ug Bahrain agig balos sa mga pag-atake sa US sa teritoryo sa Iran niadtong Dominggo, Hunyo 28, 2026.
Kahibaloan nga ang Iran ug Estados Unidos pulos nag-akusar sa usag-usa sa paglapas sa ilang ceasefire deal nga naglisod usab sa padayon nga negosasyon aron tapuson ang gubat.
Nasayran nga usa ka memorandum of understanding ang gipirmahan nga nagtumong sa pagpahunong sa panagbangi, diin nalakip sa kasabutan mao ang dili magpasiugda og gubat o paggamit sa puwersa. Sa maong kasabutan, ang Iran miuyon sa luwas nga pag-agi sa mga komersyal nga barko sulod sa 60 ka adlaw sa Persian Gulf padulong sa Sea of Oman.
Samtang giingon sa Revolutionary Guards nga ilang gipahugtan ang kontrol sa trapiko sa Strait of Hormuz ug mas hugot nilang atubangon ang mga barko nga makalapas sa ilang mga lagda.
Photo Courtesy: Crypto Briefing
