“Women are not for sale!” Kini ang gisulti ni Herlene Budol sa iyang Facebook post kani-adtong, Hunyo 27, 2026, diin iyang gibutyag ang usa ka indecent proposal gikan sa usa ka giingong politiko. Ang post naglakip sa screenshot sa panag-istorya ni Herlene sa Facebook Messenger. Wala gibutyag ni Herlene kung kinsa ang nagpadala sa mensahe, apan nagpaila siya sa iyang kaugalingon nga si “Gov.”
Gipangutana sa nagpadala og mensahe ang Kapuso actress-host, kung available ba kini ug one night stand ug pila? Human niini, nagbilin og missed call ang wala mailhing messenger. Pipila ka oras human sa missed call, nag-message na usab ang sender aron mohatag og rate nga 150k alang sa us aka gabie nga panag uban.
Tulo ka oras ang milabay, gitubag ni Herlene ang mensahe nga puno sa kasuko ug kalagot sa nagpaila nga Gov, “Hello gov, kana imong P150k! Itabangi nalang na sa imong hurisdiksyon, godbless haha!” Human niini, wala na panumbalinga ni Herlene ug gi-block ang nagpadala sa mensahe. Ang post ni Herlene sa Facebook niabot na sa kapin sa 48.2K likes ug 1.4K comments.
Dili kini ang unang higayon nga nalambigit si Herlene sa isyu bahin sa dili maayo nga mga private messages. Niadtong December 2023, ni-leak ang giingong flirtatious private messages nila ni Herlene ug sa iyang Magandang Dilag co-star nga si Rob Gomez. Gidepensahan ni Herlene ang iyang kaugalingon, niingon nga komedya lang ang mga mensahe ug gihimakak niya nga si Rob, kinsa aduna nay anak sa iyang kanhi beauty queen partner, Shaila Rebortera, nalambigit sa maong relasyon.
Photo Courtesy: Reddit
